mausi

Im "Richmond County" ligt mini Schuel, d "Academy of Richmond County", churz: "ARC".
D Schuel isch e public school (oeffentlichi Schuel).
Es git en Dresscode, dae isch abr zum Glueck nit so schlimm:
Meh muess zuenigi Schueh aha (odr Fli Flops / Sandale wo hoechr sind als ~ 2 inch).
Usserdem doerf meh keini Spaghetti - Traeger - Shirt alege und es doerfe keini Schimpfwoerter drufestoh.
D Buebe miese d T-Shirts in dae Hose ha (us Sicherheitsgruend damit me gseht eb si Waffene bi sich hend odr nit...). That's it.
Mehr als 3/4 vor Schuel sind Schwarz was dodra ligt dass in Augusta selbr recht vili Schwarzi lebe.

Dasch d ARC:

(Fuer groesseri Asicht klick uf's Bild)

Meh het pro Tag 7 periods (= Lektione), plus 1/2 h Lunch (entweder 1st, 2nd odr 3rd), und je nach dem no Sport / Band fuer ca. 1 1/2 - 3 h nach Schuelschluss.

1 Lektion durt 50 min, zwuesche dae Klassene het me 5 min zum s Zimmr z wechsle und evtl. no zum Locker (= Schliessfach) z go. Und jetzt chunnts luschtige: D Schuel het 3 Floors (= Stockwerk) und isch zimli ueberfuellt an Schieler (insgesamt 1600).
Und wenns ebis git wo d Lehrer nit choenne lide, denn ischs wenn eber z spot chunnt.
Denn bechunnt me nemli e tardy, d.h. me muess e rote Zettel usfuelle und das ganze wird denn ins Zuegnis itreit. Weme z vil tardies het wird meh usserdem fuer e gwuessi Zyt vor Schuel dispensiert...

Mi Stundeplan:

1st period: Drama (Miss Patterson)
2nd period: American Literature (Miss Proctor)
3rd period: Beginner Guitar (Mr. Fletcher)
4th period: Algebra 3 (Miss Aldred)
5th period: IB Us History (Mr. Christman)

1/2 h Lunch

6th period: IB Spanish 2 (Mr. Vazquez)
7th period: Adv. Physics (Dr. Singh)

Grade (Klassestufe): 10th
(I sett eigentli im 12th si (hend si bis letscht Summr imr so mit Ustuschschieler gmacht (I bi das Johr uebrigens dr einzig "Foreign Exchange Student")), abr wege irgendwelchne Statistike vor Stadt wegem Computer und wege irgendwelchne Tests bini halt jetzt im 10. itreit (= Sophmor), ha abr die gliche Recht wied "Juniors" (11.) und d "Seniors" (12.) "Stupid", i weiss...

Okay, das waers widr mol gsi.
Ich meld mi in es paar Tag denn widr. Und an die womer Emails gschribe hend und no kei Antwort hend: Es tuet mir mega Leid, ich ha alli Emails glese und die erschte afo beantworte, abr es brucht eifach unheimlich vil Zyt, und im Moment bruch i eifach au no vil Zyt fuer d Schuel und alles andere, d.h. es goht jetzt halt imr chli laenger bis e Antwort chunnt. Abr ich ha euch nit vergesse und dir werdet in de noegschte Tage ganz bestimmt ebis vo mir ghoere!

Miss y'all, hoff dir hend e schoeni Zyt,
euches Katja