mausi

Wow, das isch jetzt scho mi 3. Itrag das Wucheend, plus e neui Kategorie (Zitate), und e aktualisierti "Ueber mich" Rubrik (links, grad ober "Kategorie")!
Bi so vil flissigem schribe erwart i denn abr au es paar Kommentaerli ;)

Alllso, ich ha denkt ich verzehl euch jetzt endlich endlich mol vo minere Ueberaschig =)

Und zwar, wenn euch das folgende Bild bekannt vorchunnt, denn wuesset dir woni Mitti Februar wird hi go:

Genau! I'M GOING TO L.A.!!! =)
E rise Traum vo mir (nebem ganze Ustuschjohr ;)) isch es, mol nach Los Angeles z go, und genau dae Traum chani jetzt verwirkliche! :)
Ich gang vom 15. - 19. Februar nach L.A. mit vorussichtlich 17 andere Ustuschschieler us dr ganze USA - sisch e Trip wo vo minere Organisation organisiert wird, und vo mine superliebe Eltere & Verwandte gsponsert wird.
MERCI VILMOL! =)

Ich bi scho meeega ufgregt und wird denn natuerlich au tusigi Foetelis mache & euch denn au jedes chline Detail verzehle :)

A dream comes true =)

PS: Ha grad gseh dass dr erschti Itrag vo dem Wucheend scho nuem uf dere Site druf isch, dir findetne abr uf dr rechte Site entweder im Kalender (eifach ufs Datum klicke), oder wenn der ufs Januar - Archiv klicket =)

The task ahead of you is never as great as the strength within you!

~ ~ ~

Watch your thoughts,
they become words;
watch your words,
they become actions;
watch your actions,
they become habits;
watch your habits,
they become your character;
watch your character,
it becomes your destiny!

~ ~ ~

Life is a journey,
it can take you anywhere where you chose to go,
as long as you're learning,
you'll find all you'll ever need to know!

Okay, ich hamer vorgnoh widr chli meh im blog z schribe damit i nit grad jedesmol wenni mol schrib e halbe Ufsatz muess schribe *lol* Und usserdem hani mi derzue entschlosse dassi dae Itrag jetzt grad uf Duetsch schrib damit best. Luet au mol ohni Grossi Hilf choenne verstoh wasi do eigentlich schrib ;)
Oh jep, bevor is vergiss, vergesset nit de langi langi Itrag undedrah, suescht hani das denn no vergebens gschribe...

Jo, welli geschter grad es recht langs Rundmail an mehreri Luet verschickt ha, und ich im Moment grad e little bit z mied bi s glyche grad nomol z schribe, bini jetzt mol so flissig und kopier eifach Teile do ine *lol* Ich hoff dir choennet mir das verzeihe ;)


Mini Gedanke zum schwuemme:

Geschtr Zobe hani mis 2. letzte Swim Meet gha... leidr! Nach dene mehr als 3 Monaet mit 4-5 pro Wuche 1 Stund schwuemme hani mi so dra gwoehnt, s chunnt mr imr scho komisch vor am Wucheend wennis Badkleid im Badzimmr ufghaengt gseh und weiss dassi a dem Tag nit wird schwuemme... Ich wirds definitiv vermisse! :'( Und ich het nie denkt dass es mer so wichtig choennt werde und so... es het im Team so vili tolli awesome Luet! I mein, nit nur, abr fascht nur! Und klar, ich cha imr no Kontakt mit dene ha in dr Schuel, abr die meischte sind nit i mine Klassene, und jo, isch halt scho cooler mit dene zemme z schwuemme, und denn a de Meets abhaenge und so... Und am letzte Meet bechoemer denn au endli endli s T-shirt, und das woti denn au no vo allne lo unterschribe =) Ha jo scho sit langem mini coole Warm - up pants *hehe, love it* (im "Schottemuschtr", abr in de Schuelfarbene purple & gold, gsehn us wie Pyjama Hose und fuehle sich au so a, eifach nur wunderbar =)), und dr tolli graui Huddie (Pulli mit Kapuze, die Pullis sind do mega common!), mit "Richmond Swimming" druf. Und das wird mi denn imr a die geniali Zyt erinnere! :) (Okay, nit imr nur genial, abr die meischti Zyt is echt sooo hammr, ich denk ernsthaft drueber noche ine Schwuemmclub z go weni denn widr in dr Schwyz bi!).
Und mini Usdur isch au so vil bessr worde. Hehe, ich cha mi no genau an min erschte Tag erinnere:
Mir schwuemme do in dr Breit vom Pool (toent chli komisch, ich weiss), d.h. einisch uebere sind 25 m (= 1 lab), hi und zrugg 50 m etc. Drfuer isch dr Pool denn mega lang (bzw. breit, wie au imr ;)). Uf jede Fall hani i mim erste Tag NUR Breast choenne (was jo bi eus DAE stroke isch wo jede lernt, do isch dae stroke abr freestyle!), und denn hani nach 25 m scho s Gfuehl gha ich bechaem kei Luft meh etc. (ich red uebrigens uebere breast stroke wome dr Kopf denn imr widr untr Wasser het ;)). Jo, uf jede Fall hani mir denn ernsthaft Gedanke gmacht wieni die 400 m "Try - outs" sell ueberstoh (es sind nit mol wuerkli Try - outs gsi, me het eifach miese choenne 400 m am Stueck ohni Halt schwuemme, und das 1 Wuche nachdems agfange het, bzw. 2 Wuche nachdem i s erschte Mol bi go schwuemme welli in die erschti "voluntary week" gange bi...).
Haha, weni jetzt drueber nochdenk is so luschtig, mir schwuemme jetzt (bzw. hend, d Season isch am DI leidr leidr jo verbi...) pro Stund zwuesche 1600 - 1800 Meter *lol*.
Ich ha free style glernt, ich ha back stroke glernt, ich ha mi breast verbesseret, mini Usdur verbesseret, cha jetzt besser "dive in", und cha flip turns etc.!
Und vorallem wasmi geschtr Zobe und huet dr ganz Tag so happy gmacht het: Im Meet geschtr is mr soo mega guet glofe, und ich bi in mine 100 m breast 5 (!!!) Sekundene schneller gsi als im letzte Meet! 5 sek. sind soo vil im schwuemme & ich finds eifach nur awesome, dasi mini Zyt durch d Saison um 6(!) sek. ha choenne verbessere - vo 1.48.irgendwas -> 1.42.94! Dr Abschluss choennt eifach nit bessr si (wenns denn noegscht DI no bessr goht ischs sogar no cooler =)), und es beduetet mir persoenlich eifach mega vil und zeigt mr dass die ganzi Arbet ebis brocht het =)
Und jo, am DI goht's denn um alles, das isch DAS Meet womer scho sit Afang Saison trainiere: s Richmond County Meet! Alsooo, drucket eus alli d Dume, damit mer en Pokal gwuenne (1. und 2. Platz vo insgesamt 4 Teams), und dass d Schwuemmsaison hammermaessig ufhoert =)

Mr. Christman's still crazy *lol*:

Okay, jetzt willi mr endlich mol chli Zyt neh zum mini Lieblingszitat vom Christman ufzschribe *lol* Er isch mi US - History Teacher und jo... ganz es bitseli schraeg - eigentli zimli weird ;) So zimli the craziest person woni bisher atroffe ha *lol*

Chr.: [verzehlt ebis]
Student: "Are you serious?"
Chr.: "No, I'm Mr. Christman"

Ich bi am esse und waehrend ich iss luegt er mi so schraeg ah, und ich nur so achselzuckend: "I'm hungry"... er chunnt uf mi zueglatscht, schuettlet mini Hand und seit: "Nice to meet you, hungry, I'm Mr. Christman" *lol*

[Christman makes joke], Schieler: "That was lame Mr. Christman" - "No, THAT is lame!" [lauft ume mit em einte Bei nocheschleifend] ;)

Wenn de frogsch eb de ufs WC chasch muesch di druf gfasst mache dass er zerscht 2 min lang Drama spilt bevor er dir e konkreti Antwort git, und wenn er di frogt, eb das doch nit grad en grossartige joke gsi sig, odr wie cool er doch sig, und du mit "yes" antwortsch chunnt eigentli imr dr Kommentar, dass de grad "a 100" becho hesch odr grad sichr gmacht hesch dass de die Klass wirdsch bestoh ;)

Chr.: [is talking about this one guy in Civil war]: [...] and he could fight, but he was a beep."

Einisch heimer mol nit wuerkli Klass gha well alli amene spez. Test gsi si usr ich & 2 anderi Type, und denn sind mr halt so ume PC umegsesse & hend so Zuegs agluegt ueber Civil War Reanactments (er isch total into Reanactments und total into Civil War), und jo, uf jede Fall luege mr grad sones Bild vo somene crazy Typ a wo so ussgeht wie halt vor ueber 100 Johr, und dr Mr. Chsriman macht grad so mega komisch Gruesch und Kommentaer zu dem, bis mer denn ploetzlich bemerke dass eine vo de Schuelleitr nebe eus stoht *lol* Das isch s einzige mol gsi woni ihn gseh ha rot im Gsich werde *haha*


Dr. Singh:

Und zum Schluss no en chline Uszug usem Mail betreffend mini 7th period Physics mit em Dr. Singh:

Und denn zum Abschluss no AP Physics mit em Dr. Singh *schnarch* Er isch Inder und jo... wenn Amerikaner dir verzehle dass si ungfaehr knapp es Johr brucht hend zum ihn z verstoh, wie gross sind denn dini Hoffnige das bis zum Schuljohr - Endi z "manage"?!? *lol* Also jo, ich chane verstoh wenner nebe mir stoht & mit mir schnurrt, abr wenn er "teaches" in front of the class... jo, denn duet meh halt eifach so als ob me ebis verstande hetti ;) Isch jo nit so als ob me das muess verstoh zum sini Tests z bestoh... wennde d Ufzgi imr machsch schaffsch s eigentli imr A's in de Tests z becho *lol* Jo, und ich chane jetzt emel scho vil bessr verstoh als am Afang vom Johr ;) Und wennde weisch vo was dass er eigentli so ungfaehr redet gohts au... abr ich mein, tschuldigung, wer weiss scho, dass wenn er "befs" seit, dass er vo "waves" redet??? ;)

Erm, jo, also dasch jetzt alles au widr chli laenger worde alsis eigentlich plant ha ;) Abr immerhin siter jetzt widr beschaeftigt mit lese fuer es paar Taegli, denn chani jo widr mol es Itraegli schribe =)
Und jo, noegscht MO & MI hani jo denn no Soccer Try - outs, werde wohl recht hart werde, abr jo, mol luege. Ich gib eifach mis beschte & denn wirds scho irgendwie ;) Und am DI hani jo denn no s letzte Swim Meet, d.h. ich ha denn nachher ordenlich ebis z verzehle. Und denn hani au no die guete news woni denn no mol set loswerde *lol* *fies bi*.
Also, schicket mr mol es paar Nochrichte us dr Schwyz, jetzt wodr scho mol Schnee hend *so mies abr au, wieso gits do eigentlich keine?!?*

See yall, gniessets Wucheend,
euches Katja a.k.a. Katie (Luet wo mi chum kenne und sich Katja nit choenne merke), a.k.a. Katscha (mini area rep. woni scho ewigs nuet meh ghoert ha ;)), a.k.a. Kadia (mi Swim ooach :))

Okay, it's January 26th which makes me sooo happy 'cause I can't wait for January to get over & February to come =) I don't know, I never had anything against January back in Switzie (the inoff. short form for Switzerland, created by this one Swiss Exchange Student called Katja *lol*), but my January 2007 kinda sucked... mostly at least... and I don't even feel like writing in German, 'cause right now there are several English - speaking people around me, and when I write in Germand and then talk in English I'm getting confused... and I'm kinda too tired to write in German anyway, so yeah ;)

Well, what happenend in the last couple of weeks:
Well, I was telling yall that I went running after Swimming practice for some time... actually I went everyday for almost 2 weeks, until I eventually got too tired of it...
I don't know, but after swimming 1500 - 1800 meters, I just didn't really feel like running any more ;)
But I did for longer than I actually planned on, so I'm kinda proud of myself =)

On SA the 13th I didn't feel like spending all day at home, so I decided I would finaaalllly try the "great" public transportation everybody was talking about - or better, nobody was talking about because apparently they thought it was really bad. Well, yeah, I'm sorry for all the people out there that had to wait for a Swiss exchange student to prove different *lol* I mean, it's by far not as awesome as our public transportation in Switzie (or Europe in general I think), but it was actually pretty good.
B/c (short form for "because" in case you don't know) we only live a couple of minutes away from stores and stuff, it only took me like 2 min. to get to the bus stop. The bus came at the right time and it only cost US $ 1.- one way (which is about 1.25 CHF!). Compared to Switzie pretty cheap when you think about that it is a 10 - min. drive to the Mall. Well yeah, so I had the luck that this one guy from my Physics class was in there as well (the bus was really small and old, but pretty full of people), and yeah, it was pretty much the 1st time I talked to him, but it was nice to "shorten" the drive a little.
The bus then stopped right in front of the Mall (how awesome is that?!?), and I could go shopping =) I really have to say I LOVE this Mall :) It always gives me a feeling of holidays, south, and for some reason kinda reminds me of Miami (b/c there are palm trees and stuff). It is just an awesome place =) Like the main shopping streets in Basel just in one building, w/ (short form for "with") a huge food court w/ all those different (mostly fast food) restaurant (at least it's cheap here ;)), clothing stores, shoe stores, Hot topics (I love it, such an awesome store :) Lyn would love it =)), JC Penneys, Claire's, Aeropuerto etc. etc., and some electronic stores as well, nail studios, hair saloon etc. Yeah, well, just awesome :) And I also found some cool stuff, a new pair of jeans (finally! :)), a very nice & cute brown handbag from Claire's & and a package of new socks ;)
And I realised that - for some reason - I prefer shopping alone... at least when I am specifically looking for something (in this case the jeans ;)).
Well yeah, that's it about my awesome SA =) I really was amazed by the bus, how well it all worked out, and how I'm not that depended anymore (at least I can go to the Mall whenever I want :)). And I have a bus every hour on a SA, which is awesome when you just disovered that there actually is a bus =)

On Sunday morning Shirley, Martine & me went to the soup kitchen (Alan was in Norway for 2 weeks at that time b/c of his job...), and like everytime I had a great time =) (Most of) those people are just soo nice and thankfull, it's awesome to help there! I wonder if there's a possibilty to help in a soup kitchen in Basel?!?
Yeah, and the rest of the day I just hang around at home, went running, did my laundry, wrote letters and cards etc. I actually enjoyed staying at home that day...

... not like the next day, unfortunately. It was Martin Luther King Day, and we didn't have school. Yes, at first I thought the same as yall probably just thought when you read that, "how awesome is it to have a MO off!". Actually, if you're and exchange student, bored, and just stuck at home, its not that great...
I kinda had a hard time that day... I wasn't really homesick, it was more the feeling like: "What am I doing here, I could do the exact same thing at home in Switzie...". Well, eventually I survived that day (and I was actually looking forward to school... me! ;)), and the evening was actually pretty nice (compared to the rest of the day...).

On Thursday Martine & I went to the "Miss Arc Pageant", and no, unfortunately I forgot my camera and do not have any pictures, sorry! It was pretty interesting to see it, it was about a US $ 500.- scholarship, and the 13 girls had to do more than just looking good. They wrote Lit. interpretations about their favorite book & hold a speech about that (to just be able to compete in that they had to have an average of more than a B!), and they had to answer history questions about our school (as I probably already wrote, ARC is the oldest school in GA, and one of the oldest in the US, and used to be a military school, so yeah, there's a lot of history ;)).
In that evening, the school's Jazz band played to entertain, and there were also 3 young step dancers, so it was a nice evening :)

And then, last Sunday (the 21st), I went to Atlanta for my 2nd time! :) It's still an awesome city & there's so much to do =) We actually went there to pick up Alan from the airport ('cause he was coming back from Norway), but of course we did some other stuff once we were there (I mean, it's still 2 hours one way...).
First we went to Stone Mountain which wasn't that great b/c it started raining as soon as we got out of the car... if you wanna know infos about Stone Mountain, check out this link: http://en.wikipedia.org/wiki/Stone_Mountain , I am actually to tired to write much about it right now *being mean* ;)
But I do post a picture real quick:



(I took that from wiki, but as soon as I find the time to upload my own pictures you're gonna find some more in my gallery as well).
Well, anyway, so we hiked up there for about 30 min., which was only funny b/c of Martine =) Although (or maybe specially b/c) it was raining we had such a great time and I once again realised HOW glad I am to have her! Shirley was walking in front of us for the whole time (we actually didn't even see her in the end anymore ;)), and we were just taking it easy, fooled around, took some funny pictures etc. =) And actually one's supposed to see the Atlanta Skyline from the peak, but yeah, b/c it was raining and very foggy we barely saw anything (it was cold as hell as well... at least really cold for someone who's not used to it anymore ;)). And it was so not cool to hike up those wet stones with my normal shoes... but yeah, it still was fun I guess. Martine & I then decided we would go down there with that gondel that was there, and Shirley decided to hike down again. So Martine & I hung out in a gift shop for about 40 min. and had some fun ;) You're gonna see some cool pix in the gallery soon =)
After that, wet as we were, we went to the CNN Studios in Atlanta! We had a guided tour through the studios and it was really interesting! We learned how everything worked, that the news speakers actually don't know their lines by heart even if they look like they do *lol* & much more :)
After that Martine & I had some lunch at "Taco Bell" (and w/ that I now off. went 3x to a Fast Food place in the US ;)).

After CNN we drove to the airport, and b/c we were an hour to early, Martine & I just randomly walked around at the airport & had some fun ;) Then we went to pick up Alan & then wen to eat in a nice Mexian rest. (although I only ate a salad b/c I still was soo full from Taco Bell *lol*).

And then, finnnaally at about 11.45 p.m. (!) we got home and enjoyed a few hours of sleep before our alarm clocks went of at 5.45 a.m. ...
Although I was really tired the next day I enjoyed the stay in Atlanta & took some great pictures :)

Okay, now I am really tired and am too tired to really focus on what to write, so I'm gonna end this entry here.
I'm gonna write real soon, probably already this weekend again, and I have some great news to tell yall!!! =)
Yall cann look forward to that :)
Now I wish yall a nice evening (or night or whatever ;)), and have a great weekend with all the nice snow yall got *being jealous* ;)
Bye, Katja

Die erschte Ferietaeg hani in Augusta verbrocht. Am Morge vo 11-12 Uhr ins freywillige Schwuemmtraining, und dr Rest vom Tag meistens dehei, chli ufrume, laundry nochehole und packe fuer Pittsburgh.
Denn am 23. Dezember is endlich losgange - mir sind zum 2. Mol ufe nach Pittsburgh =)
(Dismol allerdings ohni Alan well er uebr d Wiehnacht het wele schaffe...).
Die chli meh als 10 Stund Autofahrt isch dismol au schnellr dure, und spot Zobe sind mr denn (wie bim erschte Mol scho) bi dr Wendy, chli ussrhalb vo Pittsburgh, acho.
Am 24. sind mr denn ufe Nomittag zum Sohn & dr Familie vor Wendy (Cousin vor Martine - d Wendy isch ihri Tante), und hend doert im Kreis vodr Familie (Wesley, Becky + ihri Kids, e Arbetskollegin vor Becky + Kids, im Wesley si Brueder, d Grandma Ruth, d Shirley, Nicole, Simone, Martine & i) heilige Obe gfiert - obwohl si (fast) alli juedisch sind. Sisch e gmietliche Obe gsi, und Zobe nacheme guete Znacht sind mer denn zur Wohnig vor Nicole gfahre, womer - wie bim letschte Mol scho - blibe sind fuer d Wuche.
Am 25. Dezember am Morge hend mr denn gueti amerik. pancakes mit Ahornsyrup gha *yammi*, und hend denn - wies i dr USA ueblich isch - d Gschenkli verteilt und ufgmacht :)
Am Nomittag sind mr denn zur Grandma gange und hend doert am spote Nomittag Znacht gesse und sind denn no chli umeglofe. Am Obe sind mr denn widr hei.
Fuer die folgende Taeg hend denn d Martine un i volls Program gha - mir hend vili verschideni Fruende vo ihre troffe (Gaby, Johanna, Lana, Erik, Marius, Rachel, Blake etc.), sind 3x ins Kino gange *lol*, hend Sache mit dr Nicole & Simone unternoh etc. Sisch schoen gsi sones volls Programm zha, vorallem um d Wiehnachtszyt ume wome halt eigentlich scho liebr dehei waer...
Jo, und denn is am 30. Dezember leidr scho widr heiszue gange, und wie au scho letzt Mol hets mi irgendwie voll agschisse sone cooli City wie Pittsburgh z verloh und nach Augusta zrugg z go.
Und dismol is mr no vil schwerer gfalle als s letzte Mol welli ha miese Abschied neh vor Simone, Nicole & Grandma, womer in dene 2 Wuche woni mitne zemme verbrocht ha, echt wahnsinnig ans Herze gwachse sind :'(
Hamr abr ganz fescht vorgno seh ganz gli widr go z bsueche, und d Nicole het mr versproche Bilder vom Otman, ihrem Baby (si isch im 5. Monet schwangr :)), z schicke =) Jo, und irgendwenn sind mr denn halt au widr im Auto heimwaerts gsesse...

Am 30. Dezember z Nacht womer acho sind hemer denn im TV no churz gluegt wie d Beerdigung vom James Brown, wo jo kuerzlich gstorbe isch, gsi isch.
Er isch do in Augusta ufgwache und sone Art Celebrety vodr Stadt gsi... er het e eigeni Statue Downtown, und es Stadium isch nach ihm benannt etc. Und denn isch er ebe am SA do in Augusta beerdigt worde... (Jetzt isch dr Michael Jackson eimol in Augusta und mir sind nit mol doert gsi - zum Glueck *lol* just kidding... ;).

Am 31. bini denn eigentli dr ganz Tag nur dehei umegesse und hami gfrogt wie mini Fam wohl Silvester fiirt. Vone dehei binis nemli gwohnt gsi bis am 12ni Znacht ufzblibe, denn Countdown, und am 12ni Znacht zemme (evtl. au mit de Nochbere) azstosse etc.
Naja, do is leidr nit so genial gsi. D Martine isch am Nomi irgendwenn zu ihrem Fruend. Ca. am 20 vor 12i hani denn afo TV luege was si in New York City so gmacht hend (hend sone Silvester Party gha), und bi halt denn i dr Kuchi gsi. Irgendwenn am 5 vor 12i sind denn d Shirley und dr Alan au cho luege, und denn hemer eifach gluegt wie si dr Countdown gmacht hend etc. Kei Astosse und nuet. Und irgendwenn am 10 ab 12i hani denn festgstellt dass si ins Bett sind. Naja, bi denn halt no bis am 1 wachblibe und denn au ins Bett - ehrlich gseit chli enttuescht...
S einzig geniale a dem Silvestr isch gsi, dassi am 6.15 p.m. (do) mit mine Eltere telefoniert ha (12.15 im 2007 ;)). Isch echt luschtig gsi dass si scho im neue Johr gsi sind und mir do imr no im 2006 ;)

Naja, die restliche 2 Ferietaeg is mr denn zum erste Mol do echt nit so guet gange... i bi wie i sone Art Loch gheyt - alles het mi agschisse, i ha mi gfuehlt als wuerdi do festsitze in Augusta (nachdem ganze Program in Pittsburgh is halt scho ganz anders gsi do), und jo... irgendwie isch eifach alles so bloed gsi in dr USA... und dass am 3. denn d Schuel widr agfange het het mi zerscht au nit so gfreut... ha scho s Gfuehl gha ig heig jetzt de Kulturschock (woni eigentlich scho viel friehner erwartet ha ;)). Naja, uf jede Fall hets sich denn usegstellt, dass das wohl nur mol e kurzi Scheiss - phase gsi isch, und dass es mr, sobald i widr in dr Schuel gsi bi, widr sehr guet gange isch =) Eifach widr mol Kollege um sich ha und nit nur dr ganz Tag dehei z sitze... do in Augusta isch meh ohni choenne selbr Auto z fahre eifach sau abhaengig, well d public transportation eifach seehr schlecht isch (ganz im Gegeteil zu Pittsburgh)...

Am Do, dr 4. Januar hemer denn scho s erste Meet im neue Johr gha.
Dr Coach het alles chli umgstellt, und denn isch es eso usecho, dassi Event 18, 22 und 24 gha ha.
D.h. mir hend eus ca. um 5.15 Uhr ufgwaermt, und denn hani die ganz Zyt miese warte (ungfaehr 1 1/2 Stund!), bisi denn endlich ha choenne schwuemme... bi nit grad sehr begeisteret gsi, vorallem well alli 3 Events so noech zemme sind und ich nach em 22 scho chum meh Schnuff gha ha... abr irgendwie hanis denn au no ueberlebt ;)

Am SA Morge druf hemer denn grad nomol es Meet gha (drfuer am FR kei practice).
Es isch es Invitational gsi, d.h. es vil es groessrs Meet als die normale wo untr dr Wuche sind.
D.h. mir hend miese am 10ni im Pool si, am 11 a.m. hets agfange, und am 4.15 p.m. (!) sind mr widr usem Pool. D.h. mir sind chli meh als 6 (!!!) Stund doert gsi. Und dr Witz dra isch, du bisch dr ganz Tag doert, abr schwuemme duesch genau glich vil wie bi de normale Meets au. Es isch mega miehsam und ermiedend gsi - abr trotz allem irgendwie doch e gueti Erfahrig :) Vorallem welli 1 Sek. schneller gsi bi im 100 m Breast, trotz Ferie =) Ha mi meeega gfreut =) (1 sek. isch uebrigens vil im schwuemme ;)). Zum Glueck het dr Coach denn gseit mir miese das noegscht SA nit mache (das waer denn grad nomol 2x mol so gross gsi!!!).
Drfuer hemer denn die letzti Wuche harts Training gha, und trotzdem bini am MO Zobe nachem Schwuemmtraining no 23 min go jogge! Ich moecht nemli fit werde fuer d Soccer Try - outs Endi Januar well die - lut Coach - seeehr hart werde. Und denn hani doch tatsaechlich festgstellt dass jogge sogar cha Spass mache =) Ich ha jo chli Angst gha dassi s schwuemme vilicht nit wuerd helfe fuer d Usduur, abr anschinend hets gholfe :) (Fuer alli wos nit wuesse, 23 min jogge sind enorm guet fuer mi ;) Und i ha sogar no s Gfuehl gha i haett no e Rundi choenne mache ;)).
Und s luschtige dra isch gsi, dassi mi verlaufe ha *lol* Ich ha eigentli s glyche welle Renne woni im Summr mol mit dr Martine joggt bi (waere so ungfaehr 15, 16 min gsi), abr denn bini anschinend z wit i ei Richtig und ha d Abbiegig verpasst. Uf jede Fall isch denn ploetzlich d Stross z End gsi, und denn bini nach rechts, und doert hend denn abr d Sidewalks (Trottoirs) ufghoert, und denn bini halt chli umkehrt und nomol rechts zrugg in d Richtig vom Huus, abr inere andere Stross als woni cho bi.
Und denn bini ploetzlich isomene ruhiege Quartier gsi woni no nie vorher gseh ha *lol* Denn bini halt eifach mol widrjoggt, mol chli abboge etc., eifach imr in d Richtung vom Huus *lol*. Und well mr jo grad nebe Central Avenue wohne hani ghofft ich wuerdi die mol finde ;) Nach witere 5 min. seggle bini denn irgendwenn mol in d Glenn Street cho, und ha mi erinneret dassi doert an Halloween dureglatscht bi. Vo doert hani denn widr d Central Ave. gfunde und denn hani nur no einisch miese abbiege in d Raymond Ave. ;) Uf jede Fall is mega luschtig gsi eifach im Zuegs umezseggle *lol* Miesst dr au mol mache ;)

Jo, und huet isch freywilligs Schwuemmtraining gsi (FR isch normalerwis Push-ups und so, abr huet is im Pool gsi), und denn sind mr zwar nur ebe 7 Luet gsi, hend abr mega fun gha wells Fun Day gsi isch).
D.h. mir hend es paar versch. Relays gmacht (einisch eis mit T-Shirt, mit eme schwere Block etc.), und denn sind si no in Diving Pool (dr waermeri Pool). Denn hend d Martine und ich abr miese go well si no e Termin gha het. Und ich bi denn nomol jogge, dismol abr nur 15 min welli mi nit so guet gfuehlt ha.

Jo, und jetzt bini seehr mied, und froh dassi de lang Blogitrag jetzt endli hintr mir ha und kei schlechts Gwuesse meh muess ha ;)
Und wenn dir jetzt bis do hi glese hend hend dr scho so vil Zyt verbrucht, do spilts denn au kei Rolle meh wenn 2 min fuer e Kommentar druf goend, hehe ;)

Ich wuensch euch allne en schoene Januar & hoff dir sind guet gruetscht.
Dir ghoeret vomer,
Katja =)

Ich hoff dir hend alli e schoeni Wiehnachte gha und sind guet ins neue Johr gruetscht! :)

Nach langem widr mol en Itrag - uf Draenge vo mim liebe Mami hi ;) Ich versuech die einzelne Sache au so churz wie moeglich z beschribe damit dass nit en extrem lange Itrag wird wo denn keini wot lese well er so lang isch *lol* Und pleeeease, schribet mr doch hin und widr es paar Kommentaerli damit ich weiss was in dr Schwyz eso abgoht...

Am FR, em 8. Dezember sind d Shirley, d Martine und ich nach dr Friday practice vom schwuemme (Trocke practice mit Ligestuetze, Sprints und sueschtige Iebige fuer Bei, Buch und Aerm) go mi neu Schwuemmazug go chaufe =) Es isch de vom Team, in schwarz mit violette (Schuelfarb) Streife, und wells halt e speedo isch und recht tuer hanis zerscht nit wele chaufe welli denkt ha sischs nit wert fuer 1 Saison wenni sowieso no mi alt Badeazug debri gha ha, abr nacheme Monat Schwuemme imene Pool mit uebermaessig Chlor dinne het mi Badeazug denn leidr zimlich alt usgseh und het nit so usgseh als wuerd er no mengi practices ueberstoh... und jo, bi jetzt sehr z fride mit mim neue :) Schwuemmt sich au bessr i dem *lol* ;)

Nachdem simr denn 1 1/2 h nach Milledgeville (ungfaehr in dr Mitti vo Georgia) gfahre, wo dr Fruend vo dr Martine im College isch, well er Geburtstag gha het. Er het eus denn d University zeigt und so, und denn sind mer au no doert go esse etc. Isch insgesamt no en schoene Obe gsi =) Und unterwegs hani denn au no Baumwullfelder gseh :) (Obwohls echli spot isch well si das normalerwis scho lang geerntet hend um die Zyt...). Ha denn zum Glueck mi Fotiaparat derbi gha und natuerli es Foeteli gmacht =)

Am SA hani denn eigentlich mit dr Michelle us minere Guitarklass und ihrne Fruende in d Mall wele, abr wosi denn am spote Nomi imr noni agluete het bini denn mit dr Martine und em Erik (ihrem Fruend) gange... naja, het sich denn usegstellt dass d Michelle churz nachdem mir gange si agluete het *lol* Hase denn au in dr Mall atroffe, und e anderi Schuelkollegin, d Olivia, au, und jo, isch no luschtig gsi =) Und ha denn nach laaangem au widr mol ebis vo Starbucks gha *yammi* ;)

Am DI druf hani denn es 3 stuendigs (also eigentlich nur 2 stuendigs) History Exam miese schribe, well ich im AP US History bi, und AP und IB (11. Klaessler) die Wuche halt alli ihri Exam gha hend... Alli andere Tests hend imr nur 1 oder 2 Lektione durt und die hani denn au in de bestimmte Klassene gha, und IB Spanish 2 isch e 10. Klass... Jo, isch eigentlich recht guet glofe... ha zum erschte Mol wuerkli fuer ebis buefflet ;) Und jo, het sich au uszahlt, ha naemli e 90 (vo 100) gschribe *freu* =)
(Die Exams mache e grossteil vo de 6 weeks report card grade us, und die wiederum ergebe am Schluss vom Johr d Zuegnisnote...).

Am 14. Dezember hemer denn widr es Meet gha, dismol nur gege ei grosses anders Team, und gege es anders Team wo abr nur us ungfaehr 10 Luet bestoht und vo daher kei wuerkli grossi Konkurenz isch.
Euses Ziel isch denn au gsi das einte Team z schlo (dr Name hani inzwuesche vergesse...).
Dismol hani in Event 2, Event 22 und Event 24 gschwumme, d.h. ich ha grad am Afang miese schwuemme, denn e mega Pause gha, und denn 2 Events grad nachenand (irgendwie hanis denn abr au no ueberstande...).
Event 2 isch Medley Relay gsi, wonich 50 m Breast gschwumme ha, Event 22 isch 100 m Breast gsi, und Event 24 isch Freestyle Relay gsi (je 100 m)!
D Boys hends denn au tatsaechlich gschafft die andere z schlo, d Girls leidr nit :( Abr jo, noegscht mol denn... dr Hauptgrund isch gsi dass s andere Team vil meh Meidli gha het als mir hend... und das macht denn ebe au Puenkt us...
Am 30. Januar isch denn s Country Meet, und das isch das Meet wo zaehlt (lut em Coach ;)).
Doert sind d Buebe letscht mol 1. worde und d Meitli 2.! Hend denn au Pokal gwunne und so, und das waer natuerli hammr wemer das Johr bedi choennte 1. werde =)

Am FR Zobe bini denn mit dr Hostfam in d Synagogue gange wells dr Afang vo Hanukah gsi isch.
Denn hemer zerrscht doert Znacht gesse (vorher d Kerze azuendet), und denn isch Service gsi, und nachdem hend si widr es Fruecht und Cake Buffet gha.
An de druffolgende Taeg hend mr denn jede Tag ei Kerze meh azuendet und s Gebet gsunge.

Am 20. Dezember isch denn scho dr erschti schuelfreyi Tag gsi =) Zum Glueck! Es sind nemli die erschte Ferie i dem Schuljohr wo meh als 1 Wuche sind...

Jo, morn isch jetzt scho mi letscht Ferietag - leidr - und welli am Morge Schwuemm practice ha setti jetzt au langsam is Bett, wegedem schribi jetzt nuem fertig.
Ich versuech abr no dr noegschti Teil vom Dezember so gli wie moeglich online z stelle.

Hend e schoeni Zyt, hoff sisch nit allzu chalt in dr Schwyz,
Katja =)