mausi

Welli eigentli grad am Beende vo mim US - History Term paper (due tomorrow) bi, mis Word aber 10 min vor Schluss abekracht isch und ich jetzt ewigs muess warte bis es widr ufmacht, hani denkt ich choennt jo widr mol es kurzes Itraegli schribe! CA - trip Itrag isch leidr imr noni fertig, ich wirds aber hoffentlich noegscht Wucheend schaffe...

Zerscht mol e freudigi Nochricht: dr dryer funktioniert widr! ;) lol Nachdem de dum Troechner (odr wie au immr das Teil in Duetsch heisst) vor ca. 2 Wuche us was fuereme Grund au immer kaputt gsi isch, het me schoen ufwaendig nach jedere Woesch miese d Kleidr irgendmoime ufhaenge. Baeh, so umstaendlich! Ich glaub ich muess versueche mis Mami dehei z ueberrede en Troechner zuezlege ;) lol Oh, und wemers scho dervo hend, e Mikrowelle waer uebrigens au nit schlecht *grins* ;) Kei Ahnig wies Lebe nochher witr goht ohni das praktische Teil lol. ;) Das nur mol so am Rande ;)

Jo, was hets neus gaeh?
Huet hani so zimli die luschtigschti Soccer practice ever gha! :) Sooo much fun lol. Well mer morn doch kei Game hend wie eigentli akuendigt, und geschtr es game gha hend, hemer huet so quasi usnahmswis meh sonen "Plausch - tag" gha. U.a. hemer z.B. fuer die letzti Stund "World cup" gspilt. Sones Spili wome in 2-er Teams versuecht so schnell wie moeglich z score (alli uf ei Goal), und bevor meh schiesst muess meh si country (weles Land meh au immr uswaehlt) ruefe, suescht zaehlts nit. Haha, d Martine und ich sind imene Team gsi, und natuerli hemer fuer d Schwyz gspilt! =) Sind denn au recht guet gsi & hend meeega fun zemme gha! :) Nach sottige awesome Moment frogimi amigs wies denn wird si wenni widr dehei bi und kei Schweschtr meh ha...

Denn gits jo no das term paper teil woni morn muess abgaeh ("to turn in" in Englisch, irgendwie toent "abgaeh" chli komisch...). Jo, uf jede Fall bini recht z fride mit mim, und s het grundsaetzlich (nachdem meh mol so richtig agfange het) au recht Spass gmacht, und welli mis Thema so genial find hani au no mega spannendi Sachene erfahre. Mi Thema: "Swiss and US relations before, in, and shortly after the 2nd World War. Did WWII change the Swiss and US relationship?". Luet, ich seg euch, do isch Zuegs im Krieg passiert... vili Sache dervo (wo d Schwyz betreffe!) hani no nie im Gschichtsunterricht gha... allgemein dunkts mi ich ha im Gschicht (in dr Schwyz) meh ueber d USA glernt als ueber d Schwyz selber...

Okay, what else? Im Moment bini recht im Stress... d.h. soccer beasprucht mi doch recht stark (2-3 Games pro Wuche isch recht vil... vorallem weme am 7ni am Morge usem Huus goht, und irgendwenn so um die 7.30, 8i Zobe heichunnt...), und denn gits jo no die mega geniali Nebesach namens Schuel. Nit dassi mi wuerkli um Husufgabe und sueschtiges wuerd bemieh (ich lern UEBERHAUPT nit, und mini schlechtischti Note isch e 86 - aehm, okay ;) lol), aber jo, trotzdem muess meh halt ab und zue mol ebis mache... geez, das wird mer denn no es boeses Erwache werde zrugg in dr Schwyz.

Und jo, well in jedere Email imr widr d Frog wegem Wetter chunnt klaer i jetzt mol alli uf: Alllso, do in Georgia (jep, au im Norde vo Georgia wonich wohn) is im Winter nie so kalt dass es schneyt. Okay, segemers eso: es schneyt vilicht so all 7-10 Johr emol... d.h. es falle es paar Floeckli vom Himmel und (Zitat): "the whole town shuts down" lol. Luet, ich haett zahlt zum das z gseh, abr leidr hets das Johr nit welle... drfuer hani choenne miterlebe dass Schuelene 2 - 3 Stund spoetr agfange hend wege FROST lol.
So WUERKLICH chalt is au nie gsi... chas zwar nuem so wuerkli objektiv bewerte welli zumene "Georgia - girl" worde bi, und bi Temperature um die 15° Celsius ume scho chalt ha ;) lol. Grundsaetzlich is jetzt aber immr um 60°-70° (sorry, bi z fuul zums umzrechne, abr sisch warm).
Die letzte 2 Wuche is (meistens) sogar eso gsi, dass meh am 5 am Obe in shorts bim Fuessballspile fast verhitzt isch! Vorallem wenn d Sunne so schoen schynt. Grundsaetzlich is Wetter do also sehr schoen & ich gniesses au (ussr wenni grad am Sport in dr bralle Sunne mache bi lol). So wieni ghoert ha is abr in dr Schwyz wohl au recht schoen, also choenneters jo au scho schoen gniesse =)

Jo, also, mis Word funktioniert jetzt endlich witr (glaub i), und ich sett jetzt das no schnell fertig mache damit i denn au endli ins Bettli chan. Morn hani denn nomol soccer practice, am FR usnahmswis abr nit, d.h. vilicht schaffis jo denn endli vom trip z schribe.

Wie au immr, wuensch euch allne e schoeni Wuche,
hebets guet,
Katja =)

PS: Fuehl mi scho die lengschti Zyt als waers Juni oder Juli ;)
PPS: Huet het mi e Klassekameradin gfrogt eb ich abgnoh heig siti do sig. Hehe, isch das nit awesome? lol Sorry, aber das hani eifach no miese schribe ;)

Hey yall!

Since MO night I'm back from L.A.!
I'm still writing on my entry about it (first part is done), but it's not finished yet, and I wanna put in some pictures as well, so yall gotta be a little patient I'm afraid.

Well, anyways, I had an AWESOME time over there and I really miss it!
I kinda had a rough time getting back to everyday life here in Augusta (more about that later), and to not get a depression or anything like that on the weekend I pretty much planned my whole weekend.
I still left some time to relax, but I just wanted to make sure I'd be doing something most of the times.

So, I just wanted to give yall a little update so yall know what I'm gonna be doing this coming weekend:

FR - Right after school: Soccer game against Statesboro
- going dancing at the Hispanic Festival with Jennifer

SA: - Afternoon: "The battle of Aiken" (Reenactment of Civil War) in Aiken (about an hour drive from Augusta, in SC)
- evening: Sweet 16 Birthday party from Liz at the Ice - skating place

SO: - afternoon: Probably going to Augusta Mall by myself to go shopping
- evening: Swim party (Party with all the Swim team members at Connor's house)

So, yep, I'm actually looking forward to that weekend, although I still wish I were still in CA with all those awesome exchange students... but yeah, as I told myself this morning, life has to go on, remember the past, but don't live in it, and enjoy the last 4 (yes, only 4 months left, that's sooo scary!) months here!

Hope to hear soon from yall,
hope yall are doing well,
Katja =)

Zerscht mol merci an alli fuer die tolle Mails, Kartene & Paeckli fuer mi Geburi :) Leidr bini im Moment grad chli im Stress, und darum chli hindedri mit antworte, abr kei Angst, ich ha euch nit vergesse & dir werdet gli ebis vo mir ghoere =)

Letzt Wucheend am SO isch jo mi 17. Geburi gsi - und nit nur das: es isch au "Superbowl" gsi ("Der Superbowl ist das Finale der US-amerikanischen American-Football-Profiliga National Football League (NFL). Er findet jeden ersten Sonntag im Februar statt, ist weltweit eines der größten Einzelsportereignisse und erreicht in den Vereinigten Staaten regelmäßig die höchsten TV-Einschaltquoten des Jahres.", vo wikipedia.org).
Well mi Gastvater Alan en rise Footballfan isch und am SO Zobe gern het wele dr Match luege, sind mir also am SA Zobe uswaerts in mini Lieblingspizzeria "Mellow Mushroom" go esse =) Mir sind ungfaehr am 6i Zobe doert gsi, d.h. in dr Schwyz hani denn jo eigentli scho Geburi gha, vo dem her *lol* ;)
Nachere yummi calzone hend mer denn no beschlosse, in "Cold Stone" gones Glace esse *yummi* =)
Es isch frueschi Glace, und meh cha us vilne Sache uswaehle was me no dri moecht (z.B. Kitkat, Twix, Gummibaerli, Fruecht, Sossene etc.). Es het so guet gschmeckt wies toent, und so um die 9i Zobe sind mer mit volle Buech widr hei :)

Am SO am Morge hani denn choenne s z Morge waehle - French Toast - und gli drufabe hani au scho die erschte Telefon vo dr Schwyz per skype becho =)
Uf die 3 isch denn d Lindsay verbi cho, und d Martine, d Lindsay und ich hend es paar Partyspile gspilt (eigentlich waere no meh cho, abr dr Luis het miese en Ufsatz fertig schribe, dr Ethan het agluete well er krank gsi isch, und d Mary Helen het leidr miese dr ganz Tag schaffe...), villll gueti Schwyzr Schoggi gesse *lol*, und zum Schluss denn no (wieso au imr *lol*) Walt Disney's Beauty and the biest gluegt *lol* ;)
Sisch en mega tolle Nomittag gsi, und zum Schluss hani denn no die 17 Kerze uf em amerik. Rieblichueche i eim Mol usblost =)
In dr Gallery findet dr es paar tolli Bildr vo mim "sweet 17" ;)

Am MO is denn losgange mit Soccer practice, well - jep, genau, ich has ins Team gschafft!!! =) Zemme mit 21 andere Soccer girls :)
Mir hend MO - FR fuer jewils 2 Stund (3 p.m. bis 5 p.m.) Fuessballtraining, und denn ca. 2-3 Mol in dr Wuche Games, d.h. mir miese am 3 p.m. in dr Schuel si (beziehigswis gar nit erscht hei go *lol*), und d Games foend denn am 5.30 p.m. a, und irgendwenn spot Zobe choemer denn hei...). Sisch recht Zytufwaendig & z.T. au derb astrengend, abr es macht echt Spass & d Girls sind echt cool =)

Am letzte FR isch denn de Boys ihres "Jamboree" gsi, d.h. es sind3 anderi Teams cho, und die hend gegesitig 30 min. lang gspilt (d.h. fuer es Team je 3x30 min. Match). Es isch so quasi en Uftakt fuer d Saison, zaehlt aber noni fuer s Region. Eusi Buebe sind recht guet & und hend denn au alli 3 Match gwunne.
Am SA am Nomittag isch denn Girls Soccer Jamboree gsi. Mir hend vor 1 p.m. miese bi eusem Stadium si, und irgendwenn nach de 6ne Zobe sind mer denn widr heicho ;) Us irgendemene Grund isch im 1. Spil chli dr Wurm drinn gsi & sisch 0:0 z End gange. S 2. Game isch denn guet gange (2:0), und im letzte Game hemer denn dummerwis wege eim Goal verlore.
Ich persoenlich ha insgesamt nur 15 min. im letzte Game gspilt, well ich erscht im 10th grade bi, und es mis erschte Johr High school soccer isch, und dr Coach halt zerrscht die aeltere het lo spile.
Im letzte Spil het er denn abr gseit, dass mer nach 15 min. alli JV Luet (d.h. 9th und 10th grades) ufs Feld wechsle und nur die juengere spile ;) Well die aeltere in dr Zwueschezyt 1 Goal kassiert hend sind mir natuerli alli recht nervoes gsi ("Is he serious about putting all the JV girls in?!?" ;)), abr am Schluss het sich denn usegstellt, dass in dem Match die juengere sogar bessr gspilt hend *hehe* und mir kei Goal meh kassiert hend (drfuer abr mehreri Chancene gha hend eis z schiesse).
Uf jede Fall sinds cooli 15 min. gsi & sisch au no mega guet glofe =)
Mini Position isch defender right side (beniedbar, ich weiss =)), und jo, ich liebs echt =)
Hehe, und denn bini no s Nr. 22 (falls dr euch no ans letzte Schwuemmmeet choennet erinnere wo mi letzt Event Event 22, H2L2 gsi isch *lol* Die Zahl verfolgt mi irgendwie ;)).

SA isch ussrdem no im Alan si Geburtstag gsi - mir hend ne zwar groessteteils mit Fuessballspile verbrocht, drfuer denn abr Zobe no guet gesse & e Torte gha =)
Denn bini au scho gli mied ins Bett gheyt (jeje, s strengt scho a, halt au mit so warm-up und so...).

Am SO am Morge frieh sind denn d Shirley, dr Alan & ich in d soup kitchen, vom 8i bis ca. halb 2.
Es isch mer denn au langsam chli vil worde (FR Zobe Training, denn nur kurz hei und zum Jamboree vo de Boys, denn am SA dr ganz Tag ufem Platz, und denn am SO am Morge frieh uf und fuer Stundene in dr Kuchi schaffe).
Uf jede Fall hani denn dr Rest SO no chli gnosse, chli laundry gmacht, mini chores, mit mine Eltere telefoniert etc.

Morn - DI - hemer denn dr erschti richtigi Match, und denn chani au zum erschte Mol do mit em Schuelbus fahre *lol* I bi vorher grad vom Training heicho, und ha daenkt ich schrib jetzt mol no de Blogitrag bevor i denn am DO uf L.A. gang *freu* =)

Morn isch also Game-day (ha huet uebrigens mini neue Trainingshose & Huddie becho *juhu* ;)), am MI denn Valentinesday (mol luege eb i ebis bechum *lol* just kidding ;)), und am DO gangi denn fuer die erschte 5 Stund in d Schuel & denn gohts ab zum Flughafe *yes* =)

Ich meld mi denn spoetischtens nach minere L.A. Reis widr, und denn natuerli au mit Unmengene an Bilder =)
Bis denn,
Katja

Am FR isch (endlich) e stressigi Schuelwoche z End gange! Die Wuche isch eifach nur so vollgstopft gsi, und ich bi froh hani jetzt endli Wucheend :) Am SO wirdi denn jo no endli 17 (scho?!? ;)), und denn choeme vermuetli au no es paar Kollege verbi =)

Letzte MO hend jo d Soccer Try - outs agfange. Si sind vom 3 p.m. bis 5 p.m. gsi, und mir hend so einiges gmacht. Am Afang hend mer miese 1 Mile (1.6 km) seckle, moeglichst untr 8 min. (d.h. es isch kei Problem weme laenger het, abr wells das Johr nur e Varsity und nit au e Junior Varsity Team git, simr halt so quasi an Try - outs fuer e Varsity Team gsi, und er het gmeint, die Zytene woner eus git sett e Varsity Player ha... s Team spilt denn Varsity UND JV Games, sisch halt abr eifach nur 1 Team, falls das jetzt fuer euch Sinn macht ;)).
Jo, also ich ha 8.45 min gha, womit i eigentli sehr zfride gsi bi ;)
Denn hemer 2 "Stadiums" (bzw. 4 halbi Stadiums) miese seckle. D.h. mir goht zu eusem Footballstadium (isch no recht gross...), und denn goht me Treppli uf, rennt zur noegschte Stegge, Treppe ab, etc. etc. bis me denn am End isch (sind denk ebe so 10 Stegge denki), und denn sekklet me widr zrugg fuer a Afang, und macht das nomol 3x... isch no rechtg astrengend gsi, abr mir hends denn au irgendwie ueberlebt *lol*.
Denn simer zum Trainingsplatz und hend doert Sprints gmacht, sind zwueschedure chli joggt etc. Nachdem isch denn grad ebe 1 Stund verbi gsi, und denn hemer agfange, tatsaechlich mol en Ball vord Fiess z neh ;) Mir hend halt Iebige miese mache (Slalom um Doeggeli ume, odr er schickt dr e Ball, du muesch neh abnaeh und denn zruggspile (versch. Iebige eso)), und denn hend mer halt no so best. Spili in chlinere Gruppene gmacht.
Zum Schluss denn no 2 "Suicids" (Startsch bim Startpunkt, sprintsch zum Punkt 1, zrugg zum Startpunkt, gosch zum (witr entfernte) Punkt 2, zrugg zum Startpunkt, und denn so witr...), und denn no e halbi Rundi ums Trainingsfeld jogge und denn isch au scho 5i gsi (zum Glueck *lol*) ;)
Sisch uebrigens zimli chalt gsi gege Obe... vom 3 bis am 4i is no agnehm gsi idr Sunne in Shorts und T-Shirt umezseggle, ab de 4ne hani mi denn verfluecht dassi kei Jaeggli derbi gha ha *lol* ;)

Am DI denn wie gwoehnlich ind Schuel (ha nit emol soo Muskelkater gha *hehe*), und denn sind mr uf die 5i Zobe zum Pool gfahre (d Schwuemmer hend nit an 2. Try - outs Tag vom Soccer miese go...), und hend eus doert troffe fuer euses (leidr) allerletzte Swim Meet!
Grundsaetzlich is wienes normals Meet gsi (abgseh dervo dass mol dr Computer abekracht isch well eber in Lane 1 z vil Wasser gspruetzt het *lol*), ussr dass halt imr chli meh agfuehrt hend (vorallem bi de Relays, dasch soo funny gsi wos ganze Team bi de Boys 400m Freestyle Relays) gstande isch und eusi 4 Boys eifach nur no agschraue het, und mir denn recht knapp 1. worde sind i dem Relay =)).
Ca. am 8.45 p.m. is denn au fertig gsi, und dummerwis hemer noni erfahre was mer worde si (5 Teams sind doert gsi), well ebe mol dr Computer abgstuerzt isch, und si denn alles hend miese vo Hand zemmerechne *lol*- Naja, ich haetts eigentlich lieber gha es grad z erfahre, abr drfuer hemer denn no 100i vo Foetelis gmacht, und zum guete Schluss no die bede Coaches ins Wasser gworfe *hehe* =) Ich glaub mir hend sogar Bilder vo dem *lol* ;) Sobald mir d Lindsay ihri Bildr schickt tuenise in d Gallery =)

Am noegschte Tag is denn widr witr gange mit Soccer Try - outs, Tag Nr. 3.
Mir hend widr mitere Mile agfange, sind denn au widr zum Stadium, dismol hemer abr nur 1 (ganzes) Stadium miese mache, er het abr Zyt gstoppt. E Varsity Player sets choenne in 4.30 Min. mache, ich ha 4.24 min gha *hehe* =) Mit dem bini also au z fride gsi :)
Denn sind mer witr zum Iebigsfeld, und hend doert miteme Partner zemme versch. Iebige gmacht (Koepfler, mit em Fuessabnaeh und zrugg kicke, mit dr Brust abnaeh, dr Ball uf d Fiess lo gheye und zrugg schicke etc. etc.). Ich bi mit dr Martine zemme gsi, und dafuer dassi die meischte Iebige nonie wuerkli vorher gmacht ha is eigentlich no recht guet glofe :)
Denn hemer in Gruppene so best. chlini Games gspilt, und nachdem hemer denn miese inere Reihe ufstelle, und er het eus denn Baell zuegschickt und mir hend se miese ins Goal verfrachte, odr e "cross" spile etc.
Naja, het besser choenne laufe, abr isch okay gsi... odr wieso chani dr Ball mit em linke Fuess ins Goal verfrachte, mit em rechte goht er abr nebedure obwohl i normalerwis mit rechts spil?!? *lol* ;)
Naja, nachdem sind mer denn au fuer de Tag fertig gsi, und denn hemer no e tolli Red choenne ghoere... "nit alli wo do si werdes ins Team schaffe" (...) "sisch nit persoenlich" (...) "morn wird e Zettel adr Office Tuere hange mit de Naeme"...
Okay, spoetischtens denn bini nervoes worde! Es het a de Try - outs fascht 30 Girls gha, und er het so um die 21, 22 welle naeh... und die meischte sind letzt Johr scho im Team gsi und hend vo dem her chli meh Chancene gha...

Am noegschte Tag womer in d Schuel si, hani denn dr Martine gseit dass si sell uf e Zettel fuer mi luege ;)
Wo si sich denn strahlend umdreyht het & mr gseit het, dass mers bedi gschafft hend, isch das natuerli AWESOME gsi =) Hami meeega gfreut, welli mer echt nit sichr gsi bi... Und bi denn dr ganzi Tag so quasi uf Wulche 7 gsi :)

DO und FR Obe hend mer denn frey gha, und sisch sehr schoen gsi eifach mol nach dr Schuel heyzgo ohni irgendwelche Sport z mache *lol* (Au wenns komisch gsi isch, nach Monatene widr mol scho am 2.45 dehei z si...).

D Schwuemmergebnis sind inzwuesche au uscho: D Girls hends leidr nur uf PLatz 3 (vo 5) gschafft und bechoeme dodrmit kei Pokal, eusi Boys sind allerdings hammr gsi und hends ufe 1. Platz gschafft!!! =)
(Girls sind letzt Johr 2. gsi). S einzige womi wuerkli dra nervt isch, dass es nur 12 Puenkt zwuesche 2. und 3. Platz gsi isch (fuer d Meitli), und dass ei einzelni Person meh dass het choenne usglyche...
Naja, schwuemme isch jetzt - zumindest fuer d USA fuer mi - verbi, und ich konzentrier mi jetzt uf Soccer (au wenni vermuetli mol am einte odr andere Wucheend zum Pool wird go)... Irgendwenn wirds denn no mol e Party im Huus vom einte Coach gaeh (i hoff sisch nit grad a dem Wucheend woni in L.A. bi...), und denn no s Banquet wo Sportlerawards verteilt werde :) Zumindest es Zertifikat wirdi denn becho *freu* =)
Und was mi no so gfreut het *lol*: Mi letzt Event woni fuers ARC Swim Team gschwuemme ha isch Event 22, Heat 2, Lane 2 gsi, und ich ha mi 2. schnellsti Zyt fuer Breast gschwumme *hehe* Hammr, he! ;)

Also, das waers widr mol gsi, ich meld mi denn spoetr widr mol mit de neuschte News vo Amerika,
Katja =)

Die Site moechti jetzt mol derzue nutze, euch mol die Luet vorzstelle woni die meischti Zyt zemme verbring (zumindest in dr Schuel)! Ich wird denn au no e Rubrik "My American Family" erstelle.
(Reihefolg isch uebrigens zuefaellig)...

Mary Helen Hall:




Si isch i minere 2nd period, American Lit., und si isch au die erschti Person woni nit durch d Martine kenneglernt ha ;) Ich cha mi gar nuem recht dra erinnere wie mer ueberhaupt am Afang ins Gspraech cho sind... si sitzt grad hintr mir und vermuetli hanise denn ebis gfrogt, und denn het si vermuetli mi gfrogt woni her chum etc. ;)
Si isch e mega liebi & weiss au vil uebers "Lebe usserhalb vor USA" (wie so menge do ebe nit *lol*), und si het au en Unkel wo in dr Schwyz wohnt, sie liebt Franzoesisch und wird evtl. im Summer in d Schwyz go ihre Unkel bsueche (was natuerli hammr wer well mir eus denn widr choennte treffe) =)
Si isch eigentli mini beschti Fruendin do :)


Joshua Braswell:




Haha, dr Josh =) Schwer ihn z beschribe ;) Er isch soo awesome, mega lieb, mega luschtig, mega glaeubig :) Er moecht spoetr Priester werde und het mega vil mit sinere Baptist Church z tue.
Er isch e mega offeni Person, kennt jede (abr au wuerkli jede! Er kennt jedi Putzfrau persoenlich mit em Name!), und jo, ich hane durch d Martine kenneglernt, zerscht abr nit wuerkli vil mit em z tue gha, bisi denn statt in dr 4th period in dr 5th period US History gha ha und denn ebe in sini Klass cho bi - zum Glueck! =) History isch so funny mit em :) Heitdr vo de Bildr her sichr au scho festgstellt =) Und er isch au sone mega "hug" - Person =) Er umarmt echt jede :) Sone richtige knuddl - Baer halt ;)
Er isch do min bescht maennliche Kolleg =)


John Erik Mills:


Wird vo allne Erik gnennt (ha fuer die erschte 3 Monaet nit mol gwuesst dass er eigentlich John heisst ;)), und isch dr Fruend vodr Martine. Si hend mi (vorallem am Afang) ueberall mitgnoh was natuerli mega cool (gsi) isch =) Sehr crazy und weird, abr e mega coole :) Weiss no genau wienihn kenneglernt ha - i bi bim Hintrigang vodr ARC gesse waehrend d Martine im Cross Country gsi isch und um d Schuel umegsecklet isch. Er chunnt so und stellt sich vor (er het vodr Martine "vom exchange student" ghoert), und fot grad afo verzehle, wie d Amerikaner doch immr denke si sige so toll, es abr gar nit sige etc. *lol* Isch echt cool gsi ;) Am Afang isch er fuer mi meh "de gsi wo so schnell gredet het" ;) En mega liebe, sit em Summer isch er im College in Milledgeville =)


Jennifer Haas:


Si hani au durch US History kenneglernt, und bi es Zytly au imr an ihrem Lunchtisch gsesse (bis si denn d Lunchtische umgstellt hend und so...).
Mir lide imr zemme wenn mir in dr 5th period scho fascht verhungere *lol* und sisch eifach mega fun mitere =) Und in dr Not hilft si mir au mol mit de Physikufzgi *lol*


Michelle:


Kinda crazy, abr echt cool =) Si hani glaubs durch Gitarre kenneglernt =) Si het mi glaub gfrogt eb si choennt es picture vo mir mache fuers yearbook welli jo e exchange student sig und so. So sind mr denn ins Gsproech cho, und sitdem sitzemer eigentli imr zemme im guitar, quatsche vil (zum Lidwese vom Mr. Fletcher *lol* just kidding ;)), und verbringe au mol dr eint odr ander Lunch zemme =)


Lindsay:


Si isch e mega gueti Fruendin vor Martine, und so hanise denn au kenneglernt =) Si isch e au so e mega liebi, und isch au im Swim Team gsi =) Mir sind denn au imr mit ihre zum Pool gfahre & hend imr fun zemme gha :)
Si isch extrem suechtig nach Schwyzr Schoggi (*lol*, wer isch das nit ;)), und lost jeglichi Musik vo Country bis nach R'n'B.


Michael Toliver:


Chli dureknallt, abr echt lieb :) Het scho einigi Fluechwoerter uf Duetsch und Schwyzrduetsch glehrt *lol* ;) Het mi au vil usgfrogt, z.T. au chli... komischi Frogene *lol* ("Kennet dir in dr Schwyz d Britney Spears?" - "Sicher" - "Kennet dir MTV?" - "Uh-huh" - "Singt d Britney doert uf Duetsch?" - "Erm..." ;)).
Cool kid =)


Ellen Myers:

-bild-

Si isch e Freshman und das Johr im Cross Country Team gsi, doert hanise denn au kenneglernt welli jo imr mit de Runner zemmeghange bi nach dr Schuel =) Si isch soo e liebi & ufgstellti, e mega herzigi =)
Si isch denn au im Swim Team gsi und jetzt au im Soccer Team, si isch mega sportlich & vorallem au mega guet im Fuessball.


Micheale:

-bild-

Ohhh, d Micheale! Sone liebi!!! Hase ganz am Afang im schwuemme kenneglernt - ich bi mega nervoes und unsicher gsi, und si het mi denn mega ufgmunteret & agfuehrt und so =) Si isch eifach nume awesome =)
Mir hend leidr kei Klass zemme & s schwuemme isch au verbi, abr zum Glueck begegne mir eus mehreri Mol am Tag in de Gaeng =)


Luis Capella:

-bild-

Er isch dr Fruend vor Lindsay, und so hanihn denn glaubs au kenneglernt.
Sini Eltere sind so vil ich weiss vo Puerto Rico, er isch mega sportlich, isch im Cross Country Team gsi, und ab Dezember denn au im Swim Team =) Er isch mega into Baseball und anschinend au mega guet!
Imr widr mol fuer e Spass z ha ;)


Ethan Page:

-bild-

E Kolleg vodr Martine, hani allerdings erscht durch s schwuemme kenneglernt. Er wartet am Morge imr scho vor dr Schuel wenn d Martine & ich achoeme, und denn hemer no so 10-20 Minute zum quatsche :) E mega liebe, mit ihm het me imr vil fun a de Swim Meets =) Isch allerdings in keine vo mine Klassene...


Frank:

-bild-

Au im Schwuemmteam, und au en mega liebe & lustige =) Mit ihm chame imr Gspaess mache ("ahh, das Wasser gseht so chalt us, miesemer doert ine?" ;)). Isch leidr au in keine vo mine Klassene...


Flip:

-bild-

Heisst eigentlich Philip (wie au imr er sich schribt ;)), abr wird vo allne Flip gnennt ;) Hani durch d Martine kenneglernt und verbringi eigentlich imr dr Lunch zemme... und komischerwis sitzemer bedi imr no am glyche Tisch obwohl mer bedi finde dass die andere Luet doert definitiv z crazy fuer eusi Verhaeltnis sind *lol*


Liz:

Crazy, crazier, Elisabeth ;) Abgseh vom Christman eini vo de weirdest Persone woni je atroffe ha ;) Hani au durchs schwuemme kenneglernt =)