mausi

"Wow, nur no 4 1/2 Wuche Schuel & scho sind Summerferie!" Mit dem Satz choennti wohl einigi Schieler in dr Schwyz ifersuechtig mache, het me doch doert erscht Afang Juli Summerferie ;) Summerferie heisst fuer mich persoenlich abr au, sich langsam ufs Abschieds naeh vorzbereite... abr jetzt mol zu mine Erlebnisse vo de letzte Taeg:

Am FR isch jo Prom gsi - de Event wo irgendwie immer so "am End vom Schueljohr" isch, und jetzt scho widr verbi. S ganze chunnt mer im Nochhinein sehr surreal vor, und ich glaub mi Kopf verstohts gar noni dass mis Ustuschjohr sich jetzt langsam em Endi zueneigt.

Also, Prom isch andere amerikanische High school so zimli s Highlight vom ganze Johr (glaubet mer, sooo genial is jetzt au widr nit lol ;)). Mir isch im vorhinein scho gseit worde dass vili Luete werde schwaenze a dem Tag - glaubt hanis denn allerdings nit wuerklich - bisi denn am FR imene Schuelzimmer mit (z.T.) nur 5 Schieler statt 20 gsesse bi lol. D "cutters" (Zitat Christman ;)) sind denn au hauptsaechlich girls, wo dr Tag bim Coiffeure und im Nagelstudio verbringe... ich persoenlich ha allerdings nit grad s verlange gha, no meh Geld fuer Naegel uszgaeh, und ussrdem hette mini host parents sowieso nit erlaubt dassi dehei blib - au wenn Schuel a dem Tag irgendwie nit so wuerklich Sinn gmacht het haha. I minere Gschichtsklass hanis sogar gschafft, s einzige Meitli z si ;) Waehrend die 5,6 boys wo nit gschwaeznt het am Schach spile gsi sind, hani mit em Christman Clips im Internet vo alte TV Shows agluegt ;)

Woni denn am Viertel vor 3 vo dr Schuel hei cho bi, bini denn abr allerdings wuerkli chli in Stress cho. Ich bi mit dr Martine schnell zu de Laede uebere glatscht, und ha e "butonniere" bsorgt (e chlises Bluemegsteck fuer ad Jacke vom guy), ha denn duscht, dress agleit, Hoor gmacht, Make-up etc., und am halb 6i sind denn dr Ethan (mini Begleitig), sini Muettr und Schweschtr verbi cho. Ich ha vo ihm es Bluemearmband becho, und mir sind ganz traditionell vors Huus und hend die erschte pictures gmacht (bi witem nit die einzige a dem Obe haha ;)). Denn sind mer imene Restaurant Dowtown guet go esse (Jamaican Jerk Chicken, mit Safran riis, schwarze Bohne & Corn Bread, *yummi*). Denn sind mer zum Boatshouse, wo dr Prom stattgfunde het. Sisch - wies dr Name scho verrotet - am Savannah River agsi, und no e mega schoeni Location gsi. Sisch zwar zimli chli gsi fuer d Mengi Luet wo denn schlussendlich doert gsi sind, abr drfuer hets e schoeni Terrasse use zum Fluss gha.
Mir sind denn also vo ca. 7.20 bis am 10.45 p.m. doert gsi, bisi denn leidr abbroche hend well es paar z wild tanzt hend lol. Welldr Ethan am 11 het hei miese, und ich nit wuerkli gwuesst ha wos Afterparties git, het mi denn sini Muettr au grad heigfiehrt. Grundsaetzlich is e schoene Obe gsi, und definitiv ebis wome sett mache imene Ustuschjohr, wells halt eifach irgendwie zur High school experience derzueghoert, allerdings git me e schoeni Mengi Geld fuer nur 1 Obe us (okay, dr dress chame au nocher no alege ;)). Nur scho d tickets sind meistens um die 60 Dollar, denn brucht me natuerli no e dress, und evtl. halt no Friseurtermin, Naegel, odr halt eifach Make up. Fuere Typ wirds denn no tuerer well er traditionsgemaess fuers Znacht zahlt (obwohls am Prom selber eigentlich denn au nomol gnue z Esse het lol ;)). Und yes, es het au e chocolate fountain gha - allerdings isch d Schoggi so grusig gsi, dassi nacheme Stueckli Pineapple druf verzichtet ha lol ;) (Also d Ananas isch guet gsi ;)). Drfuer isch dr punch mega guet gsi: Ananassaft, sehr siess zwar, abr mega guet! Allerdings goht jedesmol s Gruecht ume dass er "spiked" isch, d.h. e chli Alkohol dinne het. Naja, dr Polizist doert hets au drunke ;) Und guet gschmeckt hets allemal :) (Ussrdem is s einzige Getraenk doert gsi, vo dem her hani kei anderi Wahl gha haha ;)).

Am SO sind denn d Martine, d Shirley, dr Alan & ich nach Charleston gfahre (ca. 3 Stund Autofahrt vo do). Zerrscht sind mer fuer knapp 2 Stund an Strand (yeah =)), und denn sind mer chli durch d Stadt gschlenderet (die hend e meeega guete Candy shop *yummmmi* ;)). Und doert hani denn au zum erschte Mol i mim Lebe e Delfin live gseh =) Allerdings nur ganz kurz, und uf dr Foti gseht meh au nur no d Flosse ;)
I freu mi abr definitiv druf doert denn nomol z go in ca. 6 Wuche =)

Letzt Wuche hani denn au endlich definitiv bestaetigt becho, dassi Afang Juni nach New York City cha! =) Juhuuuuu! Freu mi MEGA! :) Und denn au widr e Teil vo de exchange students vom LA trip z gseh, das wird sichr hammr!!! :)

So, jetzt muessi mi abr widr go parat mache, huet Zobe gangi ans Home Soccer Game vo de Boys :) Ueber d EOCT, AP Test & Fort Discovery verzehli denn s noegschte Mol...

Alllso, schribet flissig Kommentaer (merci Mami fuer di Itrag letzt Mol =)).
Machets guet, und gniessets Wetter (ich glaub bi euch is au so schoen wie do, odr?)
Katja =)

Zerscht mol truurigi News: Inere Uni im Staat Virginia is zumene Amoklauf mit min. 22 Tote cho! Woni huet nach em Lunch ins Spanish Zimmer gange bi, het dr Lehrer verzehlt es gech es Gruecht ume in VA heigs e Amoklauf gaeh. Mir hend denn dr Fernseh agloh, sisch abr nuet drueber cho und mir alli hend denkt dass es sehr es dumms Gruecht gsi isch. Jetzt hani abr usegfunde, dass es wuerkli passiert isch. Teil Quellene behaupte es heig bis zu 32 Tote gaeh, genaueres weissi abr au nit...

Jetzt zu mim letzte Wucheend: Am FR Zobe bini an d Art usstellig vo dr Muettr vo dr Mary Helen gange. Sisch Downtown Augusta gsi, und meh het choenne d Bildr aluege, s het Musik, Getraenk, und z Esse gha. Ihri Bildr hend mir sehr guet gfalle (au d Mary Helen het mega Talent!), und denn bini au no ca. 1 Stund lang mit dr Mary Helen umeghange bevor d Shirley & ich denn widr hei sind.

Am SA am Morge sind mer ane Fiehrig durch Downtown Augusta mit mim Gschichtslehrer, em Mr. Christman, gange. Er macht sone Tour jedes Johr, und alli sini Schieler wo doert goend bechoeme denn au no extra credit. Dass ich chum het er sowieso unbedingt wele, und ich bi au froh bini gange. I bi nie sone wuerklich grosse Fan vo Augusta gsi (vorallem nit Downtown wo leidr zimlich... lahm isch), abr in dere Fiehrig het meh au gseh dass Augusta doch au sehr wichtig gsi sich in dr Gschicht vo dr USA (und s Huus wo dr Woodrow Wilson, e spoetere President vo dr USA als Kind glebt het, stoht z.B. au huet no). D Fiehrig isch vom 9 bis am 11.30 bi wunderschoenem Wettr gsi.

Am SA am Nomittag bini denn no ellei in d Mall gange. Ich ha eigentlich nur plannt gha, es Paar Schueh fuer mis brune Kleid go z kaufe, well jo Prom am kommende FR isch. Denn bini abr uf das mega schoene Kleid gstosse, wo halbe Priis gsi isch, und womer scho bim letzte Mallbsuech mega gfalle het. Es isch schwarz mit duenne wise Streife, e chli laenger als s brune, und im Nacke bunde. I ha mi denn entschlosse das Kleid fuer e Prom azlege, wells irgendwie e chli "edler" ussgeht (I still love my brown dress, though ;)). Denn hani no schoeni Summerschueh gfunde, wo sogar zu bedne Kleidr passe (haha), und um die 7ni ume (nach 2 Stund lang shoppe lol) het mi denn d Shirley mit dr Martine abgholt. Mir sind denn zemme zum Kino (Regal 20) gfahre, wo mer eus mit em Ethan (mis Prom date, by the way), em Nick Manting - Brewer und em Aron drofe hend. Mir sind denn go "The Reaping" luege, e Film ueber die 10 Plogene mit dr Hillary Swank. Abgseh vom Schluss is no e recht coole Film gsi... a little bit different lol, abr doch no recht unterhaltsam. Nachdem sind denn dr Ethan, d Martine & i no in "euse" Cold Stone gange go es Glace esse (ich ha French Vanilla Ice - cream mit Erdbeeri und Himbeeri gha, soooo guet *yummi* =)). Irgendwenn um die 10ni ume sind mer denn widr hei (inzwuesche is uebrigens mega humid worde do...).

Am SO am Morge sind mer denn uf die 8i (widr mol lol ;)) in d soup kitchen gange, und sind doert gsi bis ca. 12.30 p.m. Widr dehei hemer denn Grease gluegt, denn hani mini chores gmacht, bi chli am PC gsi und irgendwenn ischs denn au scho widr SO Zobe gsi. Und am MO het denn widr wie gwoehnlich d Schuel agfange (leidr ohni Soccer practise :'( Sit letzt DI isch d Season verbi & ich vermisses es MEGA!).

Jo, das waer denn mis Wucheend gsi. Wie immr wuerdi mi ueber es paar Kommentaerli freue =) Irgendwenn noegscht Wucheend wirdi denn wohl no schribe wie Prom gsi isch (that's better gonna be good, for that price! :P).

Glg, hebets guet,
Katja =)

Und scho is April - unglaublich wie schnell die Zyt do vergoht. Und mit em April hend denn au mini 2 letzte Monaet vo mim "richtige" Lebe agfange - sprich bis zu de Summerferie, wo Endi Mai afange. Im Moment hemer jo grad Spring break, danach nur no 7 Wuche Schuel (!), und denn hani knapp 1 Wuche bevor's denn (hoffentlich) nach New York City goht! Ich wird denn doert widr 5 Taeg gsi, denn zrugg nach Atlanta fliege, und denn mini Eltere, mi Tante und mi Unkel vor Schwyz widr gseh =)

Mit em April isch natuerli au dr 1. April cho. Ich hoff dir hend alli realisiert dass mi Itrag undedra nur e Aprilscherz gsi isch und hend euch nit z grossi Sorgene gmacht lol ;) Wer uf e Link klickt het haetti das eigentlich au grad sette usefinde lol ;)

Dr Afang vo Spring Break het denn au recht gmietlich agfange. Am FR bini dr ganzi Tag dehei gsi und ha mi vo all dene Schuelstrapazene erholt (3 grossi Tests und 1 Presentation am DO)! Am SA sind denn d Martine und ich wuerkli zemme in d Mall (dae Teil isch also nit gloge gsi lol), und sind doert fuer ca. 3 Stund umeglatscht zums richtige Promkleid fuer mi z finde. Es het zwar recht grossi Uswahl gha, abr weme ebis moeglichst untr 100 Dollar moecht ha, muess me scho genauer luege. Ich ha denn au nach Stundene "the most beautiful dress ever" gfunde! Sisch zwar nit e typische Promdress, wege dem bini mer noni 100%ig sichr ebi denn au wuerkli mit dem dress an Prom gang, abr sisch echt e meggga schoens Kleid =) Und die normale Promdresses sind eh so mega uebertribe, das me die denn vilicht 3x im Lebe cha alege, und dafuer zwuesch 90 - 120 Dollar uszgseh luegt mer irgendwie au nit so i... abr ich bi gluecklich mit mim Dress, jetzt fehle nur no schoeni Schueh und es Taeschli - mis date - dr Ethan Padgett - hani scho sit Endi Januar lol. Er isch e Kolleg vo mir und mir sind au zemme im Schwuemm team gsi. :)

Am SO sind denn d Martine, dr Alan und ich gege Obe no e paar Stund go Fuessball spile in North Augusta (dasch NIT die glychi Stadt wie Augusta. Augusta ligt am Suedufer vom Savannah River in Georgia, und North Augusta isch grad gegenueber am Nordufer, allerdings isch das denn South Carolina).
Womer denn widr dehei gsi sind, sind mer schnell go dusche, und denn uswaerts imene japanische Steak house go z Nacht esse. Dasch au so ebis vo me mol muess erlebt ha. Doert sitzt meh so ume risigi Herdplatte ume, und dr Koch kocht (und entertained) denn vor dine Auge ;) Dir werdet denn irgendwenn no mol Foeteli vo dem in dr Gallery finde. Zur Vorspiis hets Suppe und Salat gaeh, und ich ha denn Ris mit Gmies und Chicken Terijaki (odr wie au immr meh das schribt lol) gha. Yummi! =)

Und am MO bini denn au widr dr ganz Tag dehei gsi, genauso wie huet, und ha Woesch gwaesche, mis Zuegs ufgrumt etc. Irgendwenn die Wuche moechti denn no mol ins Kino, vilicht huet Zobe, und morn und am DO wirdi denn wohl no in d Suppekuchi go helfe. Am SO isch jo denn scho Ostere (ich weiss jetzt nit emol eb mini Fam das fiirt), und denn am MO isch euse letzt Ferietaeg bevor's denn widr mit dr Schuel losgoht.

Im Moment sind jo au no grad die weltberiehmte Masters (Golfturnier) do in Augusta. D.h. wenn dir in de Nochrichte irgendwelchi Bildr vom Turnier gsehnd - in dere Stadt wohnich jetzt grad ;) Ich wird doert zwar nit higo - wer het scho so vil Geld lol - abr jo, irgendmoime doert in dr Gegend bini denn grad haha ;)

Jo, das waers denn au widr gsi... ich meld mi denn ines paar Taeg widr. Und uf Kommentaer warti immr no (an dere Stell merci Claudia fuers Email :)).
Wuensch euch e ganz e tolli Wuche, hoff dir heit au so schoens Wettr wie mir do meistens hend!
Katja =)

Okay, ich ha euch nur schnell wele mitteile, dassi grad vom Spital us schrib. Ich bi geschtr mit dr Martine in d Mall, und waehrend si Subway isst, hanich natuerli miese das chinesische Sweet & Sour Chicken esse. Toll, und jetzt hani e Lebensmittelvergiftig :( Sisch nit allzu schlimm, ich cha halt eifach nuet esse wellis sofort widr muess erbreche... Man, that sucks! :( Wieso grad denn wenni mol Ferie ha?!? :( Und denn wirds no so scheisse kompliziert mit dr Versicherig... :(

Immerhin ebis guets hets gha dassi in d Mall gange bi - ich ha de meeega schoen Dress gfunde =)
Ha geschtr Zobe no es Bildli gmacht, und denn ins Internet ufeglade:
http://img.photobucket.com/albums/v209/duncanmathewjames/dress.jpg