mausi

PART 1:

S letzte Wucheend isch eis vo mine absolute Highlights vo mim (bisherige) Ustuschjohr gsi!
CA isch cool & d Luet woni doert troffe ha sind eifach nur AWESOME!

Am DO am Morge bini no fuer 5 Stundene in d Schuel, ha doert mi lunch gesse & bi denn um die 12.40 vo dr Shirley abgholt worde.
Si het mi denn zum Flughafe brocht, woni denn mi Gepaeck icheckt ha, dure Security-check bi, und denn ha miese erfahre dass mi Flug vo Augusta nach Atlanta 30 min. Verspoetig het.
Zum Glueck hani aber sowieso 2 1/2 Stund Wartezyt in Atlanta gha, und denn hets au kei Rolle gspilt dass mer - nach 40 min. Flug endli in ATL acho - no ca. e halb Stund hend miese warte bis mer en "Parkplatz" gha hend.

In ATL hani denn scho die erschte andere Ustuschschieler atroffe (uf em trip sind insgesamt 18 Ustuschschieler us dr ganze Welt, bzw. jetzt USA, gsi) - irgendwie chame Ustuschschieler vo andere Luet unterscheide ;), u.a. au die 2 girls wo im YFU - Treffe in ATL bi mir in dr Gruppe gsi sind.
Die knapp 4 1/2 Stund Flug sind mer zwar recht lang vorcho, abr irgendwenn denn au verbi gsi.
Und ploetzlich sind mer in L.A. glandet - und dr Flughafe het eigentli wie jede andere usgseh ;)
Denn also ab zum "baggage claim", womer uf no es paar anderi Ustuschschieler & dr tour guide, Loren, und d chaperone Adrienne gstosse sind. Bald het sich usegstellt dass dr Loren en mega luschtige isch, und das het sich denn uf em witere trip au imr widr bestaetigt ;)

Nach ca. 15 min. Bus fahre sind mer denn im "Holiday Inn" acho & sind endlich au uf die andere Ustuschschieler (mit einzelne Usnahmene wo noni acho sind) gstosse. Scho bim Pizza esse, rede & Movie luege het sich usegstellt dass mir eus alli guet zemme verstoend =)

Irgendwenn um die 11 ume (Ortszyt - 3 Stund Zytverschiebig vo Georgia nach CA) sind denn nach und nach Luet in ihrne Zimmer verschwunde, bis denn am Schluss nur no d Carina (mini Zimmergenossin), ich und no eber anders uebrig gsi sind ;) Mied sind mer denn au gli drufabe in eusi (uebrigens mega bequeme) Better gfalle :)

Am FR am Morge sind mer denn irgendwenn um die 8.30 odr so go Zmorge esse (tolls Morgebuffet *yummi*), und denn no in dr Hotel - Lobby umeghange, wo me sich denn het afo besser kennelerne.
Um die 10ni ume sind denn eusi 2 Buse cho wo eus denn richtig Innestadt LA transportiert hend.
FR isch euse "LA - City Tour" - Tag gsi, und so sind mer denn zum Hollywood sign, verbi an best. Plaetz & Hueser, zum Walk of Fame (het mega vili crazy people doert ;)), zu Beverly Hills, dure Rodeo Drive etc.
Jedesmol natuerli stops mit viiiilne Foetelis, denn no e kurze Walk uf em Walk of Fame (d Sache fuere Oscar sind scho parat gsi ;)).
Am MI hemer denn no e lunch imene chline Paerkli gha (natuerli mit em "Beverly Hills" - sign *lol*), und sind denn drufabe Richtig Santa Monica Beach gfahre. Doert acho hend mer denn beschlosse zum Venice Beach z fahre. Doert hend mr denn 1 1/2 Stund fuer eus gha... zerrscht sind mr eigentli alli mehr odr wenigr lang am Strand umeglofe, d Fiess (odr z.T. sogar dr ganz body) badet, und d Sunne gnosse.
Denn sind denn nach und nach alli Richtig Strandpromenade gange um es paar Souvenirs (mostly t-shirts - 3 Stueck fuer nur 10 US Dollar!) z kaufe.
Am 5i hend mer denn imene Restaurant grad am Strand a zNacht gesse & hend hervorragende Blick uf e mega schoen Sunneuntergang gha (& das natuerli usgnuetzt und vili vili schoeni Foeteli gmacht :)). Es het echt ussgseh wie im Paradis! =)
Um die 7ni ume sind mer denn zu eusem neue Hotel, ca. 5 min vo Disneyland entfernt, gfahre (sisch ca. 1 Stund Fahrt vom Beach gsi).
Doert hend denn eigentli fascht alli d Glegeheit gnuezt & sind in Pool & Hot tube ghuepft =)
Um die 11i ume sind denn die meischte eigentli au scho widr ins Bett, wells en schoene, heisse, abr au astrengende Tag gsi isch :)
(Angeblich hemer sogar dr einti Saenger vo the Fugees gseh *lol* ;)).

Am SA & SO hets denn gheisse (mehr odr weniger) frieh ufzstoh, und in chlinere Gruppene womer am Vorobe gmacht hend ab ins Disneyland.
Ueber de (mega geniali) Teil vo mim trip wirdi noegscht Mol schribe =)